डॉ. बाबासाहेब आंबेडकर महापरिनिर्वाण दिन

 दिनांक 06 डिसेंबर 2025 रोजी महाविद्यालयात डॉ. बाबासाहेब आंबेडकर महापरिनिर्वाण दिन विनम्र अभिवादनाने साजरा करण्यात आला.

कार्यक्रमाची सुरुवात महाविद्यालयाचे प्राचार्य डॉ. किशोर निकम यांच्या हस्ते डॉ. बाबासाहेब आंबेडकर यांच्या प्रतिमेस हार अर्पण करून करण्यात आली.

महाविद्यालयाचे प्राचार्य डॉ. किशोर निकम यांनी आपल्या मनोगतातून डॉ. बाबासाहेब आंबेडकर यांनी दिलेल्या भारतीय संविधानाचे महत्त्व स्पष्ट केले. त्यांनी संविधानामुळे भारत देश लोकशाही मार्गाने सक्षमपणे कसा चालतो याची प्रेरणादायी मांडणी केली. तसेच Legislative Control, Executive Control आणि Judicial Control या तीन प्रकारच्या नियंत्रणांचे महत्त्वही त्यांनी समजावून सांगितले.

या कार्यक्रमासाठी वेळ काढून उपस्थित राहिल्याबद्दल प्राचार्य डॉ. किशोर निकम यांचे मनःपूर्वक आभार. 

विविध विभागांचे विभागप्रमुख, ग्रंथालयाचे विभागप्रमुख, सर्व शिक्षक व शिक्षकेत्तर कर्मचारी यांनी उपस्थित राहून कार्यक्रमाला यशस्वी करण्यात मोलाचे सहकार्य केले. कार्यक्रमाचे सूत्रसंचालन डॉ. पूनम शिंदे यांनी अत्यंत उत्तमरीत्या पार पाडले, कार्यक्रमाचे नियोजन प्रा. शिवानी माळी यांनी केले, त्याबद्दल त्यांचे आभार.