वाचन प्रेरणा दिन

 भारतरत्न डॉ. ए पी जे अब्दुल कलाम यांच्या जयंती निमित्त महाविद्यालयात वाचन प्रेरणा दिन साजरा करण्यात आला. यानिमित्त डॉ. दत्तात्रय तापकीर, ज्येष्ठ शिक्षणतज्ञ आणि अभ्यासक यांचे व्याख्यान आयोजित करण्यात आले होते. सरस्वती पूजन आणि डॉ. ए.पी.जे.अब्दुल कलाम यांच्या प्रतिमेस वंदन करून कार्यक्रमास सुरुवात झाली. कार्यक्रमाचे व्याख्याते डॉ. दत्तात्रय तापकीर यांनी 'छंद माझा वेगळा; वाचनाचा सोहळा' या विषयावर उपस्थित विद्यार्थी, शिक्षक व शिक्षकेतर कर्मचाऱ्यांना मोलाचे मार्गदर्शन केले. तसेच महाविद्यालयाचे प्राचार्य डॉ. देविदास गोल्हार सर यांनीही वाचना संबंधी उपस्थितांना मार्गदर्शन केले. कार्यक्रमाचे प्रास्ताविक डॉ. संदीप अनपट यांनी केले. प्रमुख पाहुणे डॉ. दत्तात्रय तापकीर यांची ओळख स. प्रा. मनोहर गोहणे, ग्रंथपाल यांनी करून दिली. स. प्रा. प्रवीण कड यांनी कार्यक्रमाचे सूत्रसंचालन केले. तसेच श्री. आनंद भवारी यांनी आभार व्यक्त केले.  महाविद्यालयाच्या ग्रंथालयातर्फे कार्यक्रमाचे आयोजन करण्यात आले होते. सदर कार्यक्रमास महाविद्यालयातील विद्यार्थी, विभाग प्रमुख, शिक्षक शिक्षकेतर कर्मचारी सहभागी झाले होते.