*PEHEL 2022 या उपक्रमात आपल्या MMCC NSS च्या स्वयंसेवकांचा सक्रियपणे सहभाग:*
आज रविवार दि. 16 ऑक्टोबर 2022 रोजी आपल्या मराठवाडा मित्र मंडळ वाणिज्य महाविद्यालयाच्या राष्ट्रीय सेवा योजनेच्या विद्यार्थ्यांनी PEHEL 2022 (Plastic and E-waste Handling for Eco- friendly Lifestyle) या इ कचरा आणि प्लास्टिक कचरा संकलन व व्यवस्थापन आणि जाणीवजागृती उपक्रमात सक्रियपणे सहभाग घेतला.
सदर उपक्रम पुणे महानगरपालिका, आदर पूनावाला स्वच्छ शहर उपक्रम, जनवानी संस्था, कमिन्स इंडिया फाउंडेशन इत्यादी संस्थांच्या सहयोगाने सकाळी 8 ते दुपारी 2 या वेळेत राबविण्यात आला होता.
सदर उपक्रमाचे उद्घाटन चित्तरंजन वाटिका,शिवाजीनगर येथे पुणे महानगरपालिकेचे आयुक्त मा. श्री. विक्रम कुमार यांच्या हस्ते करण्यात आले. याप्रसंगी पुणे मनपाचे नवनियुक्त स्वच्छतादूत म्हणून सुप्रसिद्ध कवी, गीतकार आणि लेखक डॉ. सलील कुलकर्णी तसेच आंतरराष्ट्रीय कीर्तीच्या टेनिसपटू ऋतुजा भोसले उपस्थित होते.
महाविद्यालयातील विद्यार्थ्यांनी याप्रसंगी पर्यावरण संवर्धनाविषयी पथनाट्य सादर करून ई कचरा आणि प्लास्टिक कचरा संकलन आणि व्यवस्थापनाबाबत जाणीव जागृती केली. महाविद्यालयातील 48 विद्यार्थ्यांनी सदर उपक्रमात सक्रियपणे सहभाग नोंदविला.
पुणे मनपा आयुक्त श्री विक्रम कुमार आणि डॉ. सलील कुलकर्णी यांनी याबाबत विद्यार्थ्यांचे कौतुक केले तसेच तरुणाईच्या या पर्यावरण संवर्धनाच्या विधायक कार्यातील सहभागाबाबत आनंद व्यक्त केला.
महाविद्यालय स्तरावर प्राचार्य डॉ. देविदास गोल्हार, प्रा. एस. एम. एडके यांच्या मार्गदर्शनाखाली सदर उपक्रम यशस्वीपणे पार पडला. राष्ट्रीय सेवा योजना कार्यक्रम अधिकारी प्रा. प्रवीण कड, प्रा. सुशील गंगणे यांनी कार्यक्रमाचे नियोजन केले.
No comments:
Post a Comment
This is a student and faculty forum of MMCC. Comments are welcome for positive criticism and individual opinion.
Note: Only a member of this blog may post a comment.