Blood Donation Camp

एमएमसीसी महाविद्यालयात रक्तदान शिबिर संपन्न:* आज दिनांक 3 जून 2022 रोजी मराठवाडा मित्र मंडळ वाणिज्य महाविद्यालय राष्ट्रीय सेवा योजना, विद्यार्थी विकास मंडळ तसेच घोलप ब्लड बँक यांच्या संयुक्त विद्यमाने रक्तदान शिबिराचे आयोजन करण्यात आले होते. या शिबिरात महाविद्यालयातील विद्यार्थी, शिक्षक तसेच शिक्षकेतर कर्मचारी अशा एकूण 50 जणांनी रक्तदान केले. सदर शिबिर सकाळी 9 ते दुपारी 4 या वेळेत आयोजित करण्यात आले होते. शहरातील रक्तपुरवठ्याची कमतरता लक्षात घेता सदर शिबिराचे तातडीने आयोजन करण्यात आले होते. याबद्दल ब्लड बँकेकडून महाविद्यालयाला प्रशस्तीपत्र देऊन गौरविण्यात आले. यावेळी महाविद्यालयाचे प्राचार्य डॉ. देविदास गोल्हार तसेच घोलप ब्लड बँकेच्या वतीने श्री रोहिदास घोलप , प्रा. एस. एम. एडके, रासेयो कार्यक्रम अधिकारी प्रा. प्रवीण कड आदी उपस्थित होते. कार्यक्रम यशस्वी होण्यात प्रा. सुशील गंगणे, डॉ. संदीप अनपट, प्रा. अमोल चौधरी, प्रा. प्रमोद सपकाळ, डॉ. शिल्पा काबरा, डॉ. अश्विनी पारखी, डॉ. कल्पना वैद्य यांचे मोलाचे सहकार्य लाभले.